Jakkalsdraaie tussen die Duine
Mesoma is
dik ge-eet aan die rooibok lammetjie wat hy en sy jong vriende gevang het.
Bloed net waar jy kyk en het die dom ding geskree! Die lammetjie se mamma en
pappa het in sirkels gespring. Maar wat, wie gee tog om? Ons rooi jakkalse kan
mos enige ding doen!
Die spul
slaap nog hul roes af, maar Mesoma is al weer lus vir nog pret. “Ag wat, laat
hulle snork, ek weet wat ek gaan doen en gaan dan heerlik spog by hulle en al
die meisies gaan net myne wees!”
Hy rek
homself uit, ruik in die wind en luister fyn, “Ek het dit! Ek gaan die hele
trop meerkatte vang en hulle opsluit en elke dag ene vir ontbyt kom haal!”
Hy draf
skuins die weste windjie in, die Kalahari duine strek vêr voor hom uit, die
lewe is ’n lied!
Intussen,
liewe maatjies wat gebeur in die duin? Hier woon die troppie meerkatjies al
lank en gelukkig saam, niemand kon nog ooit enetjie seer maak nie, want hulle
brandwag is dag en dag op haar pos, as sy roep, skarrel ons vinnig in ons
tonneltjies in, sit klippe voor die ingang en niemand een van ons nog vang nie.
Soos
altyd sit Surika op die punt van die duin. Sy is helder wakker want die troppie
is haar verantwoordelikheid.
Van dat
Kata deur die jakkals gevang is toe hy ons almal beskerm het, kyk haar mamma na
klein Sorrie terwyl sy wag hou. Surika verlang soveel na Kata, maar ai siestog,
Sorrie is tog so gelukkig by ouma!
Sy kyk
van horison tot horizon, iets pla haar van môre, wat is dan verkeerd?
“Wat is
dit ?” fluister sy. Toe die ou groot rolbos oorkant die vlei begin dan draai
...
“Hier is
dan amper geen wind nie, hoekom rol dit dan?” dink sy, “laat ek gaan kyk.”
Sy staan
lank op haar agtervoetjies, ruik en kyk, “die rolbos rol en dit rol hierheen!”
Surika
val op haar voor voetjies en sy hardloop vinnig van bossie tot bossie, sy
hardloop en hardloop totdat sy die bos van agter kan sien ...
“Dis dan
Mesoma in daardie bos! Die skelm, hy bekruip ons so en nes die babatjies uitkom
gaan hy almal vang en eet, ek moet iets nou doen!”
Surika
krap haar koppie en toe, “ek weet wie gaan my help!”
Intussen
maatjies, rol die bos en dit rol al nader aan die duin huis van die
meerkatjies. Wat nou? Wie gaan ons red?
Van vêr
sien Surika hoe Sorrie, haar ouma en al haar maatjies by die tonnels uitkom om
kossies te gaan soek.
“Haai kyk
daar, ouens!” sê Sorrie, “kyk die rolbos wat hier aankom, kom ons gaan speel
daarmee, kom ouens!”
Binne die
rolbos slyp Mosema sy lelike geel tande, “nou gaan ek julle gryp!”
En toe
... “BRULLLLL!!”
Dis Gaza
die gemsbok wat met sy horings laag op die grond aanstorm! Hy steek dit onder
die rolbos in en tel alles hoog op. Hy draf en draf op tot by daardie groot
krans, hy laat sak sy kop en daar val die rolbos vêr, vêr tot binne die groot
dam!
“Helllp,
Helllp!” gil Mesoma vir laas.
En toe
... die meerkatjies het lank en gelukkig in hul duin gebly en geen rooijakkals
het ooit weer daar gekom nie!
Nawoord:
Die
meerkat (Suricata suricatta) en
Nederlands, “die kat wat in die dam woon”, bly in groepe van tot 20 saam. Hulle
maak saam kleintjies groot, daar is brandwagte en woon in tonnels onder die
grond.
Die
rooijakkals (Canis mesomelas) bly as
paar saam vir hul lewe. Alleenlopend behalwe as hulle troppe vorm om groter
diere te vang.
Die
gemsbok (Oryx gazella) het lang
horings en woon in die droeër dele van ons land.
Opmerkings
Plaas 'n opmerking